phirte hain jis ke waste hum dar-ba-dar abhi

phirte haiñ jis ke vāste ham dar-ba-dar abhī

kyā kījiye nahīñ hai use kuchh ḳhabar abhī

kah deñ jo kuchh ki dil meñ hai apne agar abhī

sharmā ke dhar na deñge vo kāñdhe pe sar abhī

thāme hue haiñ hāthoñ se apnā jigar sabhī

sunte haiñ aa.egā vo hasīñ baam par abhī

chheḌā hai us kī zulf ko bād-e-sabā ne kuchh

aa.egī rafta-rafta vo sū-e-kamar abhī

yāroñ ko un ke mil bhī ga.ī manzil-e-murād

'akbar' ki bāñdh paa.e na raḳht-e-safar abhī

phirte hain jis ke waste hum dar-ba-dar abhi

kya kijiye nahin hai use kuchh KHabar abhi

kah den jo kuchh ki dil mein hai apne agar abhi

sharma ke dhar na denge wo kandhe pe sar abhi

thame hue hain hathon se apna jigar sabhi

sunte hain aaega wo hasin baam par abhi

chheDa hai us ki zulf ko baad-e-saba ne kuchh

aaegi rafta-rafta wo su-e-kamar abhi

yaron ko un ke mil bhi gai manzil-e-murad

'akbar' ki bandh pae na raKHt-e-safar abhi