phirte rahe azal se abad tak udas hum

phirte rahe azal se abad tak udaas ham

aa.e na inqilāb-e-zamāna ko raas ham

dekheñge chhū ke surḳh badan āftāb kā

tabdīl kar chuke haiñ ḳhalā kā libās ham

ye zindagī to ḳhūn-e-jigar pī ga.ī tamām

kaise bujhā.eñ sūkhe samundar kī pyaas ham

shahr-e-junūñ kī dhuup jalā degī jism-o-jāñ

chaliye chaleñ ghanere chanāroñ ke paas ham

pur-nūr hai hamīñ se ḳharāba hayāt kā

rātoñ kā rañg tum ho ujāloñ kī aas ham

amrit sharāb zahr ajī kuchh to Dāliye

aa.e haiñ le ke duur se ḳhālī gilass ham

jab se bichhaḌ ga.ī tirī ḳhāna-ba-dosh yaad

ai 'prem' suune ghar kī tarah haiñ udaas ham

phirte rahe azal se abad tak udas hum

aae na inqilab-e-zamana ko ras hum

dekhenge chhu ke surKH badan aaftab ka

tabdil kar chuke hain KHala ka libas hum

ye zindagi to KHun-e-jigar pi gai tamam

kaise bujhaen sukhe samundar ki pyas hum

shahr-e-junun ki dhup jala degi jism-o-jaan

chaliye chalen ghanere chanaron ke pas hum

pur-nur hai hamin se KHaraba hayat ka

raaton ka rang tum ho ujalon ki aas hum

amrit sharab zahr aji kuchh to Daliye

aae hain le ke dur se KHali gilass hum

jab se bichhaD gai teri KHana-ba-dosh yaad

ai 'prem' sune ghar ki tarah hain udas hum