phisalne wala tha KHud ko magar sanbhaal gaya

phisalne vaalā thā ḳhud ko magar sañbhāl gayā

ajiib shaḳhs thā vo baat hañs ke Taal gayā

badalne vaalī hai rut sā.ebān se niklo

jo sho.ala-bār thā vo abr barshgāl gayā

tum apne aap ko pahchān bhī na pāoge

vo raushnī meñ añdherā agar uchhāl gayā

naqāb apnī burā.ī pe Dālnī thī use

vo lā ke ḳhaak mirī nekiyoñ pe Daal gayā

qusūr-vār maiñ Thahrā.ūñ aa.ine ko kyuuñ

jo boltā thā tirā ab vo ḳhadd-o-ḳhāl gayā

mizāj apnā 'mubārak' badal diyā maiñ ne

ḳhayāl us kā ga.e vaqt kī misāl gayā

phisalne wala tha KHud ko magar sanbhaal gaya

ajib shaKHs tha wo baat hans ke Tal gaya

badalne wali hai rut saeban se niklo

jo shoala-bar tha wo abr barshgal gaya

tum apne aap ko pahchan bhi na paoge

wo raushni mein andhera agar uchhaal gaya

naqab apni burai pe Dalni thi use

wo la ke KHak meri nekiyon pe Dal gaya

qusur-war main Thahraun aaine ko kyun

jo bolta tha tera ab wo KHadd-o-KHal gaya

mizaj apna 'mubarak' badal diya main ne

KHayal us ka gae waqt ki misal gaya