phul ashkon ke in aankhon se piro bhi na sake

phuul ashkoñ ke in āñkhoñ se piro bhī na sake

tujh se bichhḌe to tire sāmne ro bhī na sake

tū judā ho ke bhī pal-bhar ko nahīñ ham se judā

tujh ko pā bhī na sake ham tujhe kho bhī na sake

saath chhūTā to zabānoñ kā bharam bhī TuuTā

kitne nashtar the ki jo log chubho bhī na sake

dushman-e-jāñ sahī ye soch ke insān to hai

haq meñ dushman ke bhī kāñTe kabhī ham bo na sake

'ishq meñ hogā sukūñ 'bazm' kisī ko hāsil

ham to dam-bhar kabhī ārām se so bhī na sake

phul ashkon ke in aankhon se piro bhi na sake

tujh se bichhDe to tere samne ro bhi na sake

tu juda ho ke bhi pal-bhar ko nahin hum se juda

tujh ko pa bhi na sake hum tujhe kho bhi na sake

sath chhuTa to zabanon ka bharam bhi TuTa

kitne nashtar the ki jo log chubho bhi na sake

dushman-e-jaan sahi ye soch ke insan to hai

haq mein dushman ke bhi kanTe kabhi hum bo na sake

'ishq mein hoga sukun 'bazm' kisi ko hasil

hum to dam-bhar kabhi aaram se so bhi na sake