phul ke waste dua kije

phuul ke vāste du'ā kiije

ye nasha hai zarā nasha kiije

ek talqīn hai mohabbat kī

jo na maane use daf'a kiije

khaaT Daalī hai peḌ ke nīche

aate jaate zarā milā kiije

nahīñ kursī-nashīn kī dā'vat

sahn meñ chāñdnī zarā kiije

aap aa.e ho us kī duniyā meñ

is kā kaffāra bhī adā kiije

dhuup par Dāliye koī maḳhmal

chhāñv ke vāste havā kiije

she'r meñ mashq thoḌī hai lāzim

apnī gāḌhī zarā ziyā kiije

maut kī bad-du'ā ke haiñ 'aadī

in du'ā-go.oñ se bachā kiije

vaqt kā kuchh pata nahīñ chaltā

apnī auqāt meñ rahā kiije

itne logoñ meñ baat kyā karnī

biich bāzār kyā sadā kiije

muskurāne kā koī vaqt nahīñ

kaam karte bhī kuchh hañsā kiije

mashvaroñ kā hai ik tarah kā shor

is tarah kiije us tarah kiije

phul ke waste du'a kije

ye nasha hai zara nasha kije

ek talqin hai mohabbat ki

jo na mane use daf'a kije

khaT Dali hai peD ke niche

aate jate zara mila kije

nahin kursi-nashin ki da'wat

sahn mein chandni zara kije

aap aae ho us ki duniya mein

is ka kaffara bhi ada kije

dhup par Daliye koi maKHmal

chhanw ke waste hawa kije

she'r mein mashq thoDi hai lazim

apni gaDhi zara ziya kije

maut ki bad-du'a ke hain 'adi

in du'a-goon se bacha kije

waqt ka kuchh pata nahin chalta

apni auqat mein raha kije

itne logon mein baat kya karni

bich bazar kya sada kije

muskurane ka koi waqt nahin

kaam karte bhi kuchh hansa kije

mashwaron ka hai ek tarah ka shor

is tarah kije us tarah kije