phul khilte hain to kanTon ko hansi aati hai

phuul khilte haiñ to kāñToñ ko hañsī aatī hai

aise khilne pe ḳhizāoñ ko hañsī aatī hai

chāñd ko dekh ke tāroñ ko hañsī aatī hai

ḳhud ujāloñ pe ujāloñ ko hañsī aatī hai

haif-sad-haif ki aayā hai zamāna kaisā

ab buzurgoñ pe javānoñ ko hañsī aatī hai

duur rahte haiñ to rahte haiñ ḳhafā ham donoñ

aañkh miltī hai to donoñ ko hañsī aatī hai

pahle hañste the to ḳhushiyoñ pe hañsā karte the

ab to mātam pe bhī logoñ ko hañsī aatī hai

zindagī aisī haqīqat hai ki jis par 'sāqī'

thoḌe rote haiñ to thoḌoñ ko hañsī aatī hai

phul khilte hain to kanTon ko hansi aati hai

aise khilne pe KHizaon ko hansi aati hai

chand ko dekh ke taron ko hansi aati hai

KHud ujalon pe ujalon ko hansi aati hai

haif-sad-haif ki aaya hai zamana kaisa

ab buzurgon pe jawanon ko hansi aati hai

dur rahte hain to rahte hain KHafa hum donon

aankh milti hai to donon ko hansi aati hai

pahle hanste the to KHushiyon pe hansa karte the

ab to matam pe bhi logon ko hansi aati hai

zindagi aisi haqiqat hai ki jis par 'saqi'

thoDe rote hain to thoDon ko hansi aati hai