phul mahkae the maine shadmani ke liye

phuul mahkā.e the maiñ ne shādmānī ke liye

har nafs ab mar rahī hoñ zindagānī ke liye

kis tarah kaliyāñ khileñ aur kis tarah mahkeñ gulāb

tañg ho jaa.e zamīñ jab bāġhbānī ke liye

sabr kī had se guzar jaatī hai sahrāoñ kī pyaas

ḳhushk ho jaatā hai jab dariyā hī paanī ke liye

us kī chāhat us kī qurbat us kī bāteñ us kī yaad

kitne unvāñ mil ga.e haiñ ik kahānī ke liye

us liye ham ko nahīñ baḳhshā gayā koī makāñ

kyūñki ham paidā hue the be-makānī ke liye

talḳhiyoñ se vaqt kī jo ho ga.e nashtar-sifat

lab the vo mash.hūr apnī ḳhush-bayānī ke liye

vaqt ke jalte hue sūraj kī taptī dhuup meñ

is kī yādoñ ke shajar haiñ sā.ebānī ke liye

shā.irī kī bārishoñ meñ bhīge bhīge tere lab

rab kā hai in.aam 'mīnā' be-zabānī ke liye

phul mahkae the main ne shadmani ke liye

har nafs ab mar rahi hon zindagani ke liye

kis tarah kaliyan khilen aur kis tarah mahken gulab

tang ho jae zamin jab baghbani ke liye

sabr ki had se guzar jati hai sahraon ki pyas

KHushk ho jata hai jab dariya hi pani ke liye

us ki chahat us ki qurbat us ki baaten us ki yaad

kitne unwan mil gae hain ek kahani ke liye

us liye hum ko nahin baKHsha gaya koi makan

kyunki hum paida hue the be-makani ke liye

talKHiyon se waqt ki jo ho gae nashtar-sifat

lab the wo mashhur apni KHush-bayani ke liye

waqt ke jalte hue suraj ki tapti dhup mein

is ki yaadon ke shajar hain saebani ke liye

shairi ki barishon mein bhige bhige tere lab

rab ka hai inam 'mina' be-zabani ke liye