phul pari jab uD jaegi phir mangenge KHushbu log

phuul parī jab uḌ jā.egī phir māñgeñge ḳhushbū log

vahshī naafā girāñ na rahe to DhūñDne bhāge har sū log

chhūne chale ho duniyā ko tum ik saaya hai haath na aa.e

jaadū hai ye niil kī puḌiyā ham jaadū aur jaadū log

pher ulaT hai charḳh-e-jahān kā saath nibhā.e kis kā jigar

ḳhuun piyā hai jas ne hamārā p ga.e us ke aañsū log

bhaag sake to bhaag le manvā nāḳhunoñ vaalī bastī se

kaise nibhegī is jangal meñ ye chīte ham aahū log

ham ki ġhazālāñ shahr-e-amāñ kā rasta pūchhte phirte haiñ

sehn-e-haram ko rok ke baiThe najd-e-sag aur baddū log

phul pari jab uD jaegi phir mangenge KHushbu log

wahshi nafa giran na rahe to DhunDne bhage har su log

chhune chale ho duniya ko tum ek saya hai hath na aae

jadu hai ye nil ki puDiya hum jadu aur jadu log

pher ulaT hai charKH-e-jahan ka sath nibhae kis ka jigar

KHun piya hai jas ne hamara p gae us ke aansu log

bhag sake to bhag le manwa naKHunon wali basti se

kaise nibhegi is jangal mein ye chite hum aahu log

hum ki ghazalan shahr-e-aman ka rasta puchhte phirte hain

sehn-e-haram ko rok ke baiThe najd-e-sag aur baddu log