phulon mein ek rang hai aankhon ke nir ka

phūloñ meñ ek rañg hai āñkhoñ ke niir kā

manzar tamām-tar hai ye fasl-e-zamīr kā

rishta vo kyā huā mirī āñkhoñ se niir kā

muddat huī hai hādsa dekhe zamīr kā

paanī utar gayā to zamīñ sañglāḳh thī

tīkhā sā har savāl thā rāñjhe se hiir kā

terī azaañ ke saath maiñ uThtā huuñ pau phaTe

sar meñ liye hue koī sajda asiir kā

dekhā na dostoñ ne imārat ke us taraf

pūchhā kabhī na haal kisī ne faqīr kā

ā.īna gir paḌā thā mire haath se kabhī

phir yaad hādsa nahīñ koī zamīr kā

sahrā-e-jism ruuh ke andar utar gayā

ab kyā dikhā.e mo'jiza insāñ zamīr kā

aañsū kī ek buuñd ko āñkheñ taras ga.iiñ

is dhuup meñ jhulas gayā dohā kabīr kā

aadhā falak ke paas thā aadhā zamīn par

maiñ nā-tamām ḳhvāb thā badr-e-munīr kā

pakke hurūf gard kī sūrat bikhar ga.e

siine meñ ghaav rah gayā kachchī lakīr kā

hotī raheñgī bārisheñ 'ahmad' visāl kī

ḳhālī rahegā jaam hamesha faqīr kā

phulon mein ek rang hai aankhon ke nir ka

manzar tamam-tar hai ye fasl-e-zamir ka

rishta wo kya hua meri aankhon se nir ka

muddat hui hai hadsa dekhe zamir ka

pani utar gaya to zamin sanglaKH thi

tikha sa har sawal tha ranjhe se hir ka

teri azan ke sath main uThta hun pau phaTe

sar mein liye hue koi sajda asir ka

dekha na doston ne imarat ke us taraf

puchha kabhi na haal kisi ne faqir ka

aaina gir paDa tha mere hath se kabhi

phir yaad hadsa nahin koi zamir ka

sahra-e-jism ruh ke andar utar gaya

ab kya dikhae mo'jiza insan zamir ka

aansu ki ek bund ko aankhen taras gain

is dhup mein jhulas gaya doha kabir ka

aadha falak ke pas tha aadha zamin par

main na-tamam KHwab tha badr-e-munir ka

pakke huruf gard ki surat bikhar gae

sine mein ghaw rah gaya kachchi lakir ka

hoti rahengi barishen 'ahmad' visal ki

KHali rahega jam hamesha faqir ka