pichhle zaKHmon ka izala na hi wahshat karega

pichhle zaḳhmoñ kā izāla na hī vahshat karegā

tujh se vāqif huuñ mirī jaañ tū mohabbat karegā

maiñ chalā jā.ūñgā duniyā se sikandar kī tarah

aglī sadiyoñ pe mirā naam hukūmat karegā

pesh hai dūsre aalam meñ bhī tanhā rahnā

maiñ ne sochā thā tū duniyā se baġhāvat karegā

dil tirī rāh-e-aziyyat se palaTne ko hai

kyā tū ab bhī na mirā ḳhvāb haqīqat karegā

tū mirī maut kī tasdīq nahīñ kar saktā

chhuegā to mujhe aur dil mirā harakat karegā

vāhima sahrā-navardī kā mudallal nahīñ hai

koī hogā mire dil meñ tabhī hijrat karegā

vo jo 'āfāq' charāġhoñ kī laveñ toḌtā hai

apnā sūraj bhī usī haath pe bai'at karegā

pichhle zaKHmon ka izala na hi wahshat karega

tujh se waqif hun meri jaan tu mohabbat karega

main chala jaunga duniya se sikandar ki tarah

agli sadiyon pe mera nam hukumat karega

pesh hai dusre aalam mein bhi tanha rahna

main ne socha tha tu duniya se baghawat karega

dil teri rah-e-aziyyat se palaTne ko hai

kya tu ab bhi na mera KHwab haqiqat karega

tu meri maut ki tasdiq nahin kar sakta

chhuega to mujhe aur dil mera harakat karega

wahima sahra-nawardi ka mudallal nahin hai

koi hoga mere dil mein tabhi hijrat karega

wo jo 'afaq' charaghon ki lawen toDta hai

apna suraj bhi usi hath pe bai'at karega