pochhiye mat kya hua kaise hua

pochhiye mat kyā huā kaise huā

but koī merā ḳhudā kaise huā

aadmī behad burā thā vo magar

phir achānak vo bhalā kaise huā

jis diye kī aabrū thī raushnī

vo taraf-dār-e-havā kaise huā

maiñ jise samjhī na thī vo ishq thā

haañ magar phir vo sazā kaise huā

aadmī se pūchhtā hai aadmī

aadmī ḳhud se judā kaise huā

mujh ko aayā thā manāne ke liye

kyā ḳhabar mujh se ḳhafā kaise huā

sochtī rahtī huuñ maiñ aksar 'sabīn'

jo nahīñ sochā gayā kaise huā

pochhiye mat kya hua kaise hua

but koi mera KHuda kaise hua

aadmi behad bura tha wo magar

phir achanak wo bhala kaise hua

jis diye ki aabru thi raushni

wo taraf-dar-e-hawa kaise hua

main jise samjhi na thi wo ishq tha

han magar phir wo saza kaise hua

aadmi se puchhta hai aadmi

aadmi KHud se juda kaise hua

mujh ko aaya tha manane ke liye

kya KHabar mujh se KHafa kaise hua

sochti rahti hun main aksar 'sabin'

jo nahin socha gaya kaise hua