pukar lenge usko itna aasra to chahiye

pukār leñge us ko itnā aasrā to chāhiye

duā ḳhilāf-e-vaza.a hai magar ḳhudā to chāhiye

bajā ki maiñ ne zindagī se khaa.e haiñ bahut fareb

magar fareb khāne ko bhī hausla to chāhiye

maiñ apne aks kī talāsh kis ke chehre meñ karūñ

mujhe bhī ziist naam kā ik aa.inā to chāhiye

na us ke paas vaqt hai na mujh ko fursat-e-nazar

junūñ ke vāste bhī koī silsila to chāhiye

chaman ko mujh se zid sahī guloñ kī baat aur hai

sabā ke haath ik payām bhejnā to chāhiye

ye kyā ki sar jhukā ke ḳhanjaroñ ko chūmte raheñ

sitamgaroñ ko kuchh nahīñ to Toknā to chāhiye

pukar lenge us ko itna aasra to chahiye

dua KHilaf-e-waza hai magar KHuda to chahiye

baja ki main ne zindagi se khae hain bahut fareb

magar fareb khane ko bhi hausla to chahiye

main apne aks ki talash kis ke chehre mein karun

mujhe bhi zist nam ka ek aaina to chahiye

na us ke pas waqt hai na mujh ko fursat-e-nazar

junun ke waste bhi koi silsila to chahiye

chaman ko mujh se zid sahi gulon ki baat aur hai

saba ke hath ek payam bhejna to chahiye

ye kya ki sar jhuka ke KHanjaron ko chumte rahen

sitamgaron ko kuchh nahin to Tokna to chahiye