pukara nit-nae mehwar badalne walon ne

pukārā nit-na.e mehvar badalne vāloñ ne

palaT ke dekhā na lekin sambhalne vāloñ ne

kiyā na ek bhī pal ke liye qayām kahīñ

zamīñ kī ḳhaak pe sadiyoñ se chalne vāloñ ne

nazar se aa.ī sadā-e-shikast-e-ḳhvāhish-e-qurb

baḌhā.e haath agar haath malne vāloñ ne

qubūl kar liyā har dā.ere kī dāvat ko

hisār-e-jabr se bāhar nikalne vāloñ ne

mire vajūd ke ḳhurshīd kī shuāoñ ko

sulā diyā hai añdheroñ meñ jalne vāloñ ne

vo ḳhauf kyā thā ki jis ke nuzūl par 'ḳhālid'

kahā na kuchh bhī bahut kuchh ugalne vāloñ ne

pukara nit-nae mehwar badalne walon ne

palaT ke dekha na lekin sambhalne walon ne

kiya na ek bhi pal ke liye qayam kahin

zamin ki KHak pe sadiyon se chalne walon ne

nazar se aai sada-e-shikast-e-KHwahish-e-qurb

baDhae hath agar hath malne walon ne

qubul kar liya har daere ki dawat ko

hisar-e-jabr se bahar nikalne walon ne

mere wajud ke KHurshid ki shuaon ko

sula diya hai andheron mein jalne walon ne

wo KHauf kya tha ki jis ke nuzul par 'KHalid'

kaha na kuchh bhi bahut kuchh ugalne walon ne