pur hai daman chaman ka Khaaron se

pur hai dāman chaman kā ḳhāroñ se

dam ulajhtā hai in bahāroñ se

kyā shikāyat fareb khāne kī

sābiqa hai fareb-kāroñ se

yaas ko ham ne duur hī rakkhā

kaam jab tak chalā sahāroñ se

biich dariyā meñ Dūbne vaale

kyā ta'alluq hameñ kināroñ se

ai shab-e-ġham ye dekhtā kyā huuñ

raushnī chhin ga.ī sitāroñ se

sair-e-nazzārgī nahīñ hotī

koī kah de tire nazāroñ se

log sun sun ke muskurāte haiñ

vaqt kī mad.h be-qarāroñ se

bas usī ek se hai kaam 'iram'

kaun uljhā kare hazāroñ se

pur hai daman chaman ka KHaron se

dam ulajhta hai in bahaaron se

kya shikayat fareb khane ki

sabiqa hai fareb-karon se

yas ko hum ne dur hi rakkha

kaam jab tak chala sahaaron se

bich dariya mein Dubne wale

kya ta'alluq hamein kinaron se

ai shab-e-gham ye dekhta kya hun

raushni chhin gai sitaron se

sair-e-nazzargi nahin hoti

koi kah de tere nazaron se

log sun sun ke muskuraate hain

waqt ki madh be-qararon se

bas usi ek se hai kaam 'iram'

kaun uljha kare hazaron se