pur-kaif anjuman hai meri anjuman abhi

pur-kaif anjuman hai mirī anjuman abhī

hai sāz-e-dil pe yaad tirī naġhma-zan abhī

āmāj-gāh-e-fitna-o-shar hai vatan abhī

rahbar ke bhes meñ haiñ yahāñ rāhzan abhī

karne haiñ zindagī meñ mujhe ġham ke tajrbe

utre na dil se nashsha-e-rañj-o-mehan abhī

ai rind tark-e-mai pe na kar naaz is qadar

uTThī nahīñ ghaTā koī tauba-shikan abhī

ruktā hai haath dāman-e-hastī pe baar baar

shāyad ḳhirad kī had meñ hai dīvāna-pan abhī

rone do hasratoñ ko zarā aur ai 'ḳhalish'

lillāh na.ash-e-dil pe na Daalo kafan abhī

pur-kaif anjuman hai meri anjuman abhi

hai saz-e-dil pe yaad teri naghma-zan abhi

aamaj-gah-e-fitna-o-shar hai watan abhi

rahbar ke bhes mein hain yahan rahzan abhi

karne hain zindagi mein mujhe gham ke tajrbe

utre na dil se nashsha-e-ranj-o-mehan abhi

ai rind tark-e-mai pe na kar naz is qadar

uTThi nahin ghaTa koi tauba-shikan abhi

rukta hai hath daman-e-hasti pe bar bar

shayad KHirad ki had mein hai diwana-pan abhi

rone do hasraton ko zara aur ai 'KHalish'

lillah nash-e-dil pe na Dalo kafan abhi