pur-nur hai jahan mohabbat ke dagh se

pur-nūr hai jahān mohabbat ke daaġh se

raushan hai dair-o-ka.aba usī ik charāġh se

bulbul ke naale aur bhī vahshat baḌhā.eñge

tafrīh ḳhaak hogī mujhe sair-e-bāġh se

kaafī hai sarḳhushī ko mirī yād-e-chashm-e-mast

miinā se kuchh ġharaz hai na matlab ayāġh se

allāh mun.imoñ ko bhī kyā hī ġhurūr hai

lete haiñ ye salām bhī to kis dimāġh se

duniyā meñ jis ne jitne kiye kam ta.alluqāt

utnī hī us ne apnī basar kī farāġh se

dil de na koī kohkan aur qais kī tarah

aatī hai roz-o-shab ye sadā koh-o-rāġh se

be bahs agar talāsh se hotā husūl-e-kām

pā letā āb-e-ḳhizr sikandar surāġh se

ham rakh deñ us ke aage kalejā nikāl kar

sun leñ ḳhabar jo yaar ke aane kī zaaġh se

furqat meñ ranj-o-ġham hai farāġhat kahāñ 'ḳhayāl'

kosoñ hai duur ye dil-e-mahzūñ farāġh se

pur-nur hai jahan mohabbat ke dagh se

raushan hai dair-o-kaba usi ek charagh se

bulbul ke nale aur bhi wahshat baDhaenge

tafrih KHak hogi mujhe sair-e-bagh se

kafi hai sarKHushi ko meri yaad-e-chashm-e-mast

mina se kuchh gharaz hai na matlab ayagh se

allah munimon ko bhi kya hi ghurur hai

lete hain ye salam bhi to kis dimagh se

duniya mein jis ne jitne kiye kam talluqat

utni hi us ne apni basar ki faragh se

dil de na koi kohkan aur qais ki tarah

aati hai roz-o-shab ye sada koh-o-ragh se

be bahs agar talash se hota husul-e-kaam

pa leta aab-e-KHizr sikandar suragh se

hum rakh den us ke aage kaleja nikal kar

sun len KHabar jo yar ke aane ki zagh se

furqat mein ranj-o-gham hai faraghat kahan 'KHayal'

koson hai dur ye dil-e-mahzun faragh se