purane gham ko nae mein nae purane mein

purāne ġham ko na.e meñ na.e purāne meñ

javānī biit rahī hai inheñ milāne meñ

mujhe miTāne meñ ḳhud ko miTā diyā us ne

rubber ko ghisnā paḌā hai likhā miTāne meñ

faqat ye lakḌī nahīñ hai tumhārī baisākhī

shajar ke haath kaTe haiñ ise banāne meñ

phir us ke baad meñ ḳhud ko talāsh kartā huuñ

yahī ḳharābī hai us ko gale lagāne meñ

vo mujh ko chāhtā hai bas kisī bhī qīmat par

so apnā jism mujhe de gayā bayāne meñ

purane gham ko nae mein nae purane mein

jawani bit rahi hai inhen milane mein

mujhe miTane mein KHud ko miTa diya us ne

rubber ko ghisna paDa hai likha miTane mein

faqat ye lakDi nahin hai tumhaari baisakhi

shajar ke hath kaTe hain ise banane mein

phir us ke baad mein KHud ko talash karta hun

yahi KHarabi hai us ko gale lagane mein

wo mujh ko chahta hai bas kisi bhi qimat par

so apna jism mujhe de gaya bayane mein