puchho na kuchh subut-e-KHirad maine kya diya

pūchho na kuchh subūt-e-ḳhirad maiñ ne kyā diyā

ek mast-e-nāz ko dil-e-be-mudda.ā diyā

ab kyā gila karūñ adam-e-iltifāt kā

merī nigāh-e-yās ne sab kuchh jatā diyā

baḌhte hue shu.ūr meñ gum ho rahā huuñ maiñ

ehsās-e-husn aap ne itnā baḌhā diyā

dekhī na jab tajallī-e-takrār-āshnā

be-rañgiyoñ kā rañg ḳhudī ne jamā diyā

hai shaad be-dilī pe tahī-dast-e-ārzū

achchhā kiyā nishān-e-tamannā miTā diyā

māyūs-e-jalva-ha-e-tarab huuñ ḳhabar nahīñ

dil ḳhud hī bujh gayā ki kisī ne bujhā diyā

kyā lutf-e-iztirāb dikhā.ūñ ki aap ne

ehsā-e-dard dard se pahle miTā diyā

anjām-e-dīd-o-eid ab ai ham-nashīñ na pūchh

vo mujh ko yaad hai mujhe jis ne bhulā diyā

ma.alūm thā tujhe ki vo dard-āshnā nahīñ

'manzūr' dil kā dard unheñ bhī sunā diyā

puchho na kuchh subut-e-KHirad main ne kya diya

ek mast-e-naz ko dil-e-be-muddaa diya

ab kya gila karun adam-e-iltifat ka

meri nigah-e-yas ne sab kuchh jata diya

baDhte hue shuur mein gum ho raha hun main

ehsas-e-husn aap ne itna baDha diya

dekhi na jab tajalli-e-takrar-ashna

be-rangiyon ka rang KHudi ne jama diya

hai shad be-dili pe tahi-dast-e-arzu

achchha kiya nishan-e-tamanna miTa diya

mayus-e-jalwa-ha-e-tarab hun KHabar nahin

dil KHud hi bujh gaya ki kisi ne bujha diya

kya lutf-e-iztirab dikhaun ki aap ne

ehsa-e-dard dard se pahle miTa diya

anjam-e-did-o-eid ab ai ham-nashin na puchh

wo mujh ko yaad hai mujhe jis ne bhula diya

malum tha tujhe ki wo dard-ashna nahin

'manzur' dil ka dard unhen bhi suna diya