puchhta hai mujhse kya ho jaun main

pūchhtā hai mujh se kyā ho jā.ūñ maiñ

ye ishāra hai fanā ho jā.ūñ maiñ

ek rak’at kī nahīñ koī namāz

tū 'atā ho to adā ho jā.ūñ maiñ

imtihāñ le luuñ maiñ sāzindoñ kā kyā

gaate gaate be-surā ho jā.ūñ maiñ

tū kisī kā hai magar hai to vahī

kyā pata phir mubtalā ho jā.ūñ maiñ

us kī pahlī hī nazar hai kīmiyā

dekh le to dūsrā ho jā.ūñ maiñ

soch lo achchhī tarah aisā na ho

intiqāman bā-vafā ho jā.ūñ maiñ

puchhta hai mujh se kya ho jaun main

ye ishaara hai fana ho jaun main

ek rak’at ki nahin koi namaz

tu 'ata ho to ada ho jaun main

imtihan le lun main sazindon ka kya

gate gate be-sura ho jaun main

tu kisi ka hai magar hai to wahi

kya pata phir mubtala ho jaun main

us ki pahli hi nazar hai kimiya

dekh le to dusra ho jaun main

soch lo achchhi tarah aisa na ho

intiqaman ba-wafa ho jaun main