puchhti roz hai show-case ki guDiya mujhse

pūchhtī roz hai show-case kī guḌiyā mujh se

aap ke ghar kā bahal jā.egā bachcha mujh se

nā-tavānī meñ bhī har ghar kā bharam rakhtī huuñ

kahtī rahtī hai ye dīvār-e-shikasta mujh se

aaj us shaḳhs kī sarkār ne gul-poshī kī

mashvara lene jo aatā thā hamesha mujh se

zehn meñ ghūmne lagtī hai ġhulāmī apnī

dekhā jaatā nahīñ piñjre kā parinda mujh se

bāñTnā chāhūñ jo dard apnā to kis se bāñTūñ

milne aatā hī nahīñ koī bhī apnā mujh se

āḳhirī vaqt meñ shal ho ga.e baazū apne

Dal meñ chaltā hī nahīñ aaj shikārā mujh se

merī ġharqābī pe itnā vo pareshāñ kyoñ hai

jab ta'alluq hī nahīñ thā koī us kā mujh se

ye jo sūraj hai chalā aayā hai nīche shāyad

kaan meñ chupke se 'kausar' koī bolā mujh se

puchhti roz hai show-case ki guDiya mujh se

aap ke ghar ka bahal jaega bachcha mujh se

na-tawani mein bhi har ghar ka bharam rakhti hun

kahti rahti hai ye diwar-e-shikasta mujh se

aaj us shaKHs ki sarkar ne gul-poshi ki

mashwara lene jo aata tha hamesha mujh se

zehn mein ghumne lagti hai ghulami apni

dekha jata nahin pinjre ka parinda mujh se

banTna chahun jo dard apna to kis se banTun

milne aata hi nahin koi bhi apna mujh se

aaKHiri waqt mein shal ho gae bazu apne

Dal mein chalta hi nahin aaj shikara mujh se

meri gharqabi pe itna wo pareshan kyon hai

jab ta'alluq hi nahin tha koi us ka mujh se

ye jo suraj hai chala aaya hai niche shayad

kan mein chupke se 'kausar' koi bola mujh se