puri lagan umang se maine nahin kiya

puurī lagan umang se maiñ ne nahīñ kiyā

koī bhī kaam Dhang se maiñ ne nahīñ kiyā

ujḌā phir ek shoḳh vahāban ke 'ishq meñ

jab mashvara malang se maiñ ne nahīñ kiyā

apne har ek 'ishq meñ sādiq rahūñgā maiñ

āġhāz yūñhī jhang se maiñ ne nahīñ kiyā

apnī ḳhushī se aa.e haiñ bai'at ke vāste

qaa.il kisī ko jang se maiñ ne nahīñ kiyā

mehr-o-vafā se sar kiyā har ek mā'raka

teġh-o-sipar tufang se maiñ ne nahīñ kiyā

shikva kiyā bhī to kiyā pairoñ ke daaġh se

in beḌiyoñ ke zang se maiñ ne nahīñ kiyā

puri lagan umang se main ne nahin kiya

koi bhi kaam Dhang se main ne nahin kiya

ujDa phir ek shoKH wahaban ke 'ishq mein

jab mashwara malang se main ne nahin kiya

apne har ek 'ishq mein sadiq rahunga main

aaghaz yunhi jhang se main ne nahin kiya

apni KHushi se aae hain bai'at ke waste

qail kisi ko jang se main ne nahin kiya

mehr-o-wafa se sar kiya har ek ma'raka

tegh-o-sipar tufang se main ne nahin kiya

shikwa kiya bhi to kiya pairon ke dagh se

in beDiyon ke zang se main ne nahin kiya