pyas bujha sakte ho bhuk miTa sakte ho

pyaas bujhā sakte ho bhuuk miTā sakte ho

aañsū pī kar aglā dhokā khā sakte ho

dil ko jaane vaalā rasta band paḌā hai

aanā hai to bas āñkhoñ tak aa sakte ho

maiñ ik samt huuñ aur bhī samteñ haiñ duniyā meñ

tum jis samt bhī jaanā chāho jā sakte ho

ḳhālī kāñdhe le kar jaane vaalo Thahro

tum bhī mere jitnā bojh uThā sakte ho

jism pahāḌī rasta hai Dhalvān kī jānib

is raste par kitnā aage jā sakte ho

dil kī narm zamīñ meñ sirf mohabbat bo kar

ik mausam meñ Dheroñ dard kamā sakte ho

daulat shohrat lālach ḳhvāhish shauq 'aqīda

apnī marzī kā piñjra banvā sakte ho

pyas bujha sakte ho bhuk miTa sakte ho

aansu pi kar agla dhoka kha sakte ho

dil ko jaane wala rasta band paDa hai

aana hai to bas aankhon tak aa sakte ho

main ek samt hun aur bhi samten hain duniya mein

tum jis samt bhi jaana chaho ja sakte ho

KHali kandhe le kar jaane walo Thahro

tum bhi mere jitna bojh uTha sakte ho

jism pahaDi rasta hai Dhalwan ki jaanib

is raste par kitna aage ja sakte ho

dil ki narm zamin mein sirf mohabbat bo kar

ek mausam mein Dheron dard kama sakte ho

daulat shohrat lalach KHwahish shauq 'aqida

apni marzi ka pinjra banwa sakte ho