pyas ko dariya raha aur KHak ko sahra raha

pyaas ko dariyā rahā aur ḳhaak ko sahrā rahā

is ke ma.anī ye hue ke ye safar achchhā rahā

ab maiñ Duubā tab maiñ Duubā bas isī ummīd meñ

ik samundar paas mere rāt-bhar baiThā rahā

maiñ koī manzil nahīñ thā miil kā patthar thā bas

ba.ad mere bhī musalsal rāsta chaltā rahā

ek aahaT aa ke mere dar se vāpas ho ga.ī

aur maiñ kānoñ ko takiye se dabā sotā rahā

sun liyā thā ek din ik saañs hogī āḳhirī

aur phir har saañs pe us saañs kā dhaḌkā rahā

ik zarā hazrat ne sab kuchh hī badal kar rakh diyā

jo kabhī ik shaḳhs thā ab vo faqat chehra rahā

zindagī ab aur koī ġham diyā to dekhiyo

ḳhaak kar dūñgā tujhe maiñ ye mirā va.ada rahā

pyas ko dariya raha aur KHak ko sahra raha

is ke mani ye hue ke ye safar achchha raha

ab main Duba tab main Duba bas isi ummid mein

ek samundar pas mere raat-bhar baiTha raha

main koi manzil nahin tha mil ka patthar tha bas

baad mere bhi musalsal rasta chalta raha

ek aahaT aa ke mere dar se wapas ho gai

aur main kanon ko takiye se daba sota raha

sun liya tha ek din ek sans hogi aaKHiri

aur phir har sans pe us sans ka dhaDka raha

ek zara hazrat ne sab kuchh hi badal kar rakh diya

jo kabhi ek shaKHs tha ab wo faqat chehra raha

zindagi ab aur koi gham diya to dekhiyo

KHak kar dunga tujhe main ye mera wada raha