qasid ko de na ai dil us gul-badan ki pati

qāsid ko de na ai dil us gul-badan kī paatī

chal ḳhud hī le chaleñ ham apne sajan kī paatī

har satr mauj-e-shīrīñ ik mudda.ā rakhe hai

Tuk dekh jū-e-pur-ḳhūñ hai kohkan kī paatī

kāġhaz harī zamīñ kā nahīñ dekhtā ki shāyad

pahuñche na is hunar se us ko haman kī paatī

munfaz nigah kā aañsū ghere hī leñ haiñ pyāre

bāñchūñ so kis tarah se ab meñ tumhan kī paatī

āvāra dāġh-e-dil haiñ naale se yuuñ ki jaise

bād-e-ḳhizāñ se dirham hove chaman kī paatī

'qā.em' likhā thā us ne aane kā shab ko va.ada

so din meñ dekhī sau dam us sīm-tan kī paatī

qasid ko de na ai dil us gul-badan ki pati

chal KHud hi le chalen hum apne sajan ki pati

har satr mauj-e-shirin ek muddaa rakhe hai

Tuk dekh ju-e-pur-KHun hai kohkan ki pati

kaghaz hari zamin ka nahin dekhta ki shayad

pahunche na is hunar se us ko haman ki pati

munfaz nigah ka aansu ghere hi len hain pyare

banchun so kis tarah se ab mein tumhan ki pati

aawara dagh-e-dil hain nale se yun ki jaise

baad-e-KHizan se dirham howe chaman ki pati

'qaem' likha tha us ne aane ka shab ko wada

so din mein dekhi sau dam us sim-tan ki pati