qatil sabhi the chal diye maqtal se raaton raat

qātil sabhī the chal diye maqtal se rātoñ raat

tanhā khaḌī laraztī rahī sirf merī zaat

tahzīb kī jo ūñchī imārat hai Dhā na duuñ

jiine ke rakh-rakhāv se miltī nahīñ najāt

ḳhvāboñ kī barf pighlī to har aks dhul gayā

apnoñ kī baat ban ga.ī ik ajnabī kī baat

kāñToñ kī sej par chalūñ sho.aloñ kī mai piyūñ

sañgīn marhaloñ kā safar kaun degā saat

sūraj bhī thak chukā hai kahāñ raushnī kare

virse meñ baT ga.ī hai añdheroñ kī kā.enāt

sargoshī bhī karūñ to bikhar jaa.e ek guuñj

bahroñ ke is hujūm meñ suntā hai kaun baat

jhuñjhlā ke kyuuñ na chhīn luuñ TuuTā hai vo azaab

phir vaqt ghūmtā hai liye dard kī zakāt

qatil sabhi the chal diye maqtal se raaton raat

tanha khaDi larazti rahi sirf meri zat

tahzib ki jo unchi imarat hai Dha na dun

jine ke rakh-rakhaw se milti nahin najat

KHwabon ki barf pighli to har aks dhul gaya

apnon ki baat ban gai ek ajnabi ki baat

kanTon ki sej par chalun shoalon ki mai piyun

sangin marhalon ka safar kaun dega sat

suraj bhi thak chuka hai kahan raushni kare

wirse mein baT gai hai andheron ki kaenat

sargoshi bhi karun to bikhar jae ek gunj

bahron ke is hujum mein sunta hai kaun baat

jhunjhla ke kyun na chhin lun TuTa hai wo azab

phir waqt ghumta hai liye dard ki zakat