qadam qadam pe hain kuchh Khaar rahguzar ke liye

qadam qadam pe haiñ kuchh ḳhaar rahguzar ke liye

ḳhushā-nasīb suhūlat to hai safar ke liye

tajalliyoñ kī tamanna to aam hai lekin

shu.ūr-e-dīd bhī lāzim hai kuchh nazar ke liye

sar-e-niyāz jhukānā to sab ko aatā hai

jabīn-e-dil kī zarūrat hai sang-e-dar ke liye

jo saath rah ke bhī tanhā.ī meñ na haa.il ho

vafā tarastī rahī aise ham-safar ke liye

ye kā.enāt tilismāt-e-hast-o-būd sahī

vajūd rakhtā hai har zarra dīda-var ke liye

sahar huī to dar-o-bām ajnabī Thahre

laḌe the ham ka.ī rātoñ se jis sahar ke liye

jabīñ jhuke to uThe naqsh-e-āstāñ le kar

ik aisā sajda hī kaafī hai umr bhar ke liye

'zamīr' dard ko kyoñ mere dil kī yaad aa.ī

rahā na jab koī dāman bhī chashm-e-tar ke liye

qadam qadam pe hain kuchh KHar rahguzar ke liye

KHusha-nasib suhulat to hai safar ke liye

tajalliyon ki tamanna to aam hai lekin

shuur-e-did bhi lazim hai kuchh nazar ke liye

sar-e-niyaz jhukana to sab ko aata hai

jabin-e-dil ki zarurat hai sang-e-dar ke liye

jo sath rah ke bhi tanhai mein na hail ho

wafa tarasti rahi aise ham-safar ke liye

ye kaenat tilismat-e-hast-o-bud sahi

wajud rakhta hai har zarra dida-war ke liye

sahar hui to dar-o-baam ajnabi Thahre

laDe the hum kai raaton se jis sahar ke liye

jabin jhuke to uThe naqsh-e-astan le kar

ek aisa sajda hi kafi hai umr bhar ke liye

'zamir' dard ko kyon mere dil ki yaad aai

raha na jab koi daman bhi chashm-e-tar ke liye