qadam-qadam pe paraya dimagh hote hain

qadam-qadam pe parāyā dimāġh hote haiñ

ye puure log adhūrā dimāġh hote haiñ

kisī kī fikr pe labbaik ham nahīñ kahte

ham apne haq meñ ḳhud apnā dimāġh hote haiñ

javān-umr meñ Darte haiñ jo baġhāvat se

na.e saroñ meñ purānā dimāġh hote haiñ

jo pahle-pahl añdherā dikhā.ī dete hoñ

vo baad baad ujālā dimāġh hote haiñ

bahut se log to pairoñ se sar ke bāloñ tak

ba-shakl-e-jism sarāpā dimāġh hote haiñ

amīr-e-shahr kī qurbat meñ baiThne vaale

barā.e-nām hī apnā dimāġh hote haiñ

kisī kī āñkhoñ se duniyā ko dekhne vaale

kisī kī fikr kisī kā dimāġh hote haiñ

qadam-qadam pe paraya dimagh hote hain

ye pure log adhura dimagh hote hain

kisi ki fikr pe labbaik hum nahin kahte

hum apne haq mein KHud apna dimagh hote hain

jawan-umr mein Darte hain jo baghawat se

nae saron mein purana dimagh hote hain

jo pahle-pahl andhera dikhai dete hon

wo baad baad ujala dimagh hote hain

bahut se log to pairon se sar ke baalon tak

ba-shakl-e-jism sarapa dimagh hote hain

amir-e-shahr ki qurbat mein baiThne wale

barae-nam hi apna dimagh hote hain

kisi ki aankhon se duniya ko dekhne wale

kisi ki fikr kisi ka dimagh hote hain