qadmon ko abhi uski KHabar koi nahin hai
qadmoñ ko abhī us kī ḳhabar koī nahīñ hai
is dhuup ke raste meñ shajar koī nahīñ hai
sūraj kī take raah nigāheñ mirī shab bhar
aisā to hasīñ ḳhvāb-e-sahar koī nahīñ hai
ummīd sadāoñ kī hai ik samt se dil ko
aur 'ilm bhī ye hai ki udhar koī nahīñ hai
mujh se to tire shahr meñ haiñ yaar hazāroñ
is shahr meñ haañ tujh sā magar koī nahīñ hai
us paar utarne kā nahīñ dil mirā ab kī
dariyā meñ bhī is baar bhañvar koī nahīñ hai
is zindagī ke uljhe savāloñ kā koī hal
ham sochte the hogā magar koī nahīñ hai
qadmon ko abhi us ki KHabar koi nahin hai
is dhup ke raste mein shajar koi nahin hai
suraj ki take rah nigahen meri shab bhar
aisa to hasin KHwab-e-sahar koi nahin hai
ummid sadaon ki hai ek samt se dil ko
aur 'ilm bhi ye hai ki udhar koi nahin hai
mujh se to tere shahr mein hain yar hazaron
is shahr mein han tujh sa magar koi nahin hai
us par utarne ka nahin dil mera ab ki
dariya mein bhi is bar bhanwar koi nahin hai
is zindagi ke uljhe sawalon ka koi hal
hum sochte the hoga magar koi nahin hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
