qafas pe barq gire aur chaman ko aag lage

qafas pe barq gire aur chaman ko aag lage

ilāhī gardish-e-charḳh-e-kuhan ko aag lage

sulag rahī haiñ mire dil kī hasrateñ aise

bharī bahār meñ jaise chaman ko aag lage

har ek qatra-e-shabnam banā hai añgāra

ajab nahīñ jo gul-e-yāsman ko aag lage

na poñchh ashk mire dekh apne dāman se

ḳhudā kare na tire pairahan ko aag lage

qasam hai ham ko tirī chashm-e-mast kī saaqī

piyeñ sharāb to kām-o-dahan ko aag lage

nasīb hoñ na jahāñ tā.eroñ ko do tinke

ḳhudā kare ki ab aise chaman ko aag lage

qafas pe barq gire aur chaman ko aag lage

ilahi gardish-e-charKH-e-kuhan ko aag lage

sulag rahi hain mere dil ki hasraten aise

bhari bahaar mein jaise chaman ko aag lage

har ek qatra-e-shabnam bana hai angara

ajab nahin jo gul-e-yasman ko aag lage

na ponchh ashk mere dekh apne daman se

KHuda kare na tere pairahan ko aag lage

qasam hai hum ko teri chashm-e-mast ki saqi

piyen sharab to kaam-o-dahan ko aag lage

nasib hon na jahan taeron ko do tinke

KHuda kare ki ab aise chaman ko aag lage