qafas se guzarna hai lazim saba ko chaman mein koi gul khilane se pahle

qafas se guzarnā hai lāzim sabā ko chaman meñ koī gul khilāne se pahle

hai sayyād kī bhī ijāzat zarūrī yahāñ āshiyāna banāne se pahle

mire paañv meñ aable paḌ chuke haiñ magar maiñ ne kāñToñ se va.ada kiyā hai

ki har aable meñ lahū sīñch dūñgā maiñ thak-hār kar baiTh jaane se pahle

ka.ī maqbaroñ par bhī khilte haiñ gul to ye gulshan kī jāgīr hargiz nahīñ haiñ

magar tum ne shāyad ye sochā na hogā inheñ gesūoñ meñ sajāne se pahle

baḌe be-bharosa haiñ din-rāt saare tumhāre liye ab munāsib yahī hai

bahar-sū ujāloñ kī tasdīq kar lo charāġh-e-sahar ko bujhāne se pahle

mujhe yaad aayā ki ik gul chaman meñ khilā thā to shabnam ke qatre bahe the

maiñ hañstā huuñ rone se pahle hamesha maiñ rotā huuñ ab muskurāne se pahle

jahāñ thartharāte the paañv havā ke vahāñ ḳhaak uḌtī hai har samt ab to

zarā qasr-e-shāhī kī jānib bhī dekho sitam in ġharīboñ pe Dhāne se pahle

qafas se guzarna hai lazim saba ko chaman mein koi gul khilane se pahle

hai sayyaad ki bhi ijazat zaruri yahan aashiyana banane se pahle

mere panw mein aable paD chuke hain magar main ne kanTon se wada kiya hai

ki har aable mein lahu sinch dunga main thak-haar kar baiTh jaane se pahle

kai maqbaron par bhi khilte hain gul to ye gulshan ki jagir hargiz nahin hain

magar tum ne shayad ye socha na hoga inhen gesuon mein sajaane se pahle

baDe be-bharosa hain din-raat sare tumhaare liye ab munasib yahi hai

bahar-su ujalon ki tasdiq kar lo charagh-e-sahar ko bujhane se pahle

mujhe yaad aaya ki ek gul chaman mein khila tha to shabnam ke qatre bahe the

main hansta hun rone se pahle hamesha main rota hun ab muskurane se pahle

jahan thartharaate the panw hawa ke wahan KHak uDti hai har samt ab to

zara qasr-e-shahi ki jaanib bhi dekho sitam in gharibon pe Dhane se pahle