qaid jab hum pe lagi wusat-e-daman ke liye

qaid jab ham pe lagī vus.at-e-dāmāñ ke liye

kitnī kasrat se khile phuul gulistāñ ke liye

vo munājāteñ kahāñ haiñ tire ehsāñ ke liye

kasrat-e-shauq nahīñ ālam-e-hirmāñ ke liye

jaise har husn se mumtāz hai vo husn tamām

ham haiñ e.azāz ke qābil nahīñ jānāñ ke liye

qār.īn-e-nigah-e-nāz hī samjhe vo ḳhat

surḳh Doroñ meñ jo tahrīr hai armāñ ke liye

riñd laa.e mai-o-sāġhar kī hasīñ tashbīheñ

isti.āra nigah-e-husn thī paikāñ ke liye

ḳhauf kyā ho rah-e-tārīk-e-bayābāñ kā hameñ

kam nahīñ kirmak-e-shab-tāb charāġhāñ ke liye

ashk-e-ġham roke raheñ fāqa-guzāroñ se kaho

paanī gulḳhan se chalā nuuh ke tūfāñ ke liye

kī na jab ahl-e-siyāsat ne sitam se tauba

ham utāre ga.e is qaum-e-bad-unvāñ ke liye

dar jahān-e-gul-e-be-ḳhār nachīdast kase

ġham na kar 'mānī'-e-nashtar-kash-e-daurāñ ke liye

qaid jab hum pe lagi wusat-e-daman ke liye

kitni kasrat se khile phul gulistan ke liye

wo munajaten kahan hain tere ehsan ke liye

kasrat-e-shauq nahin aalam-e-hirman ke liye

jaise har husn se mumtaz hai wo husn tamam

hum hain eazaz ke qabil nahin jaanan ke liye

qarin-e-nigah-e-naz hi samjhe wo KHat

surKH Doron mein jo tahrir hai arman ke liye

rind lae mai-o-saghar ki hasin tashbihen

istiara nigah-e-husn thi paikan ke liye

KHauf kya ho rah-e-tarik-e-bayaban ka hamein

kam nahin kirmak-e-shab-tab charaghan ke liye

ashk-e-gham roke rahen faqa-guzaron se kaho

pani gulKHan se chala nuh ke tufan ke liye

ki na jab ahl-e-siyasat ne sitam se tauba

hum utare gae is qaum-e-bad-unwan ke liye

dar jahan-e-gul-e-be-KHar nachidast kase

gham na kar 'mani'-e-nashtar-kash-e-dauran ke liye