qaid mein rahte hain jab tak bhi jiye jate hain

qaid meñ rahte haiñ jab tak bhī jiye jaate haiñ

halqe zanjīr ke phir toḌ diye jaate haiñ

raunaqeñ chāñd sitāroñ kī liye jaate haiñ

chāñdnī raat ko be-nūr kiye jaate haiñ

ye tabassum na sahī husn kī sauġhāt sahī

dard ko ek chamak aur diye jaate haiñ

ḳhaak hone pe bhī kam hotā nahīñ jazba-e-ishq

raushnī sham.a kī parvāne liye jaate haiñ

surḳh āñkhoñ se Tapak kar ye gulābī aañsū

mere dāman ko bhī rañgīn kiye jaate haiñ

Duub jaatī hai savere hī se sūraj kī kiran

jab sar-e-shām charāġhoñ ke diye jaate haiñ

jin ko duniyā meñ sambhalne kī ijāzat na milī

zindagī bhar ke vo armān liye jaate haiñ

zindagī merī to gintī hai garebāñ ke shigāf

aap kyoñ dāman-e-hastī ko siye jaate haiñ

sāqiyā riñd to mohtāt haiñ majbūr nahīñ

aks mai-ḳhāna kā āñkhoñ meñ liye jaate haiñ

'fazl' aa.iin mohabbat kā badalne ke liye

ahl-e-dil kis liye majbūr kiye jaate haiñ

qaid mein rahte hain jab tak bhi jiye jate hain

halqe zanjir ke phir toD diye jate hain

raunaqen chand sitaron ki liye jate hain

chandni raat ko be-nur kiye jate hain

ye tabassum na sahi husn ki saughat sahi

dard ko ek chamak aur diye jate hain

KHak hone pe bhi kam hota nahin jazba-e-ishq

raushni shama ki parwane liye jate hain

surKH aankhon se Tapak kar ye gulabi aansu

mere daman ko bhi rangin kiye jate hain

Dub jati hai sawere hi se suraj ki kiran

jab sar-e-sham charaghon ke diye jate hain

jin ko duniya mein sambhalne ki ijazat na mili

zindagi bhar ke wo arman liye jate hain

zindagi meri to ginti hai gareban ke shigaf

aap kyon daman-e-hasti ko siye jate hain

saqiya rind to mohtat hain majbur nahin

aks mai-KHana ka aankhon mein liye jate hain

'fazl' aain mohabbat ka badalne ke liye

ahl-e-dil kis liye majbur kiye jate hain