qaid mein rakkha gaya qatra to ghaltan ho gaya

qaid meñ rakkhā gayā qatra to ġhaltāñ ho gayā

nuur kī nahroñ ko nā-paidā karāñ honā hī thā

shohra haikal ke liye āvāza paikar ke liye

har tavānā.ī ko benām-o-nishāñ honā hī thā

ham ne kuchh yuuñ hī nahīñ jhelā thā qarnoñ kā azaab

āḳhir us dair-āshnā ko mehrbāñ honā hī thā

tañg jab kar dī ga.ī ham par zamīñ karte bhī kyā

lāziman ham ko zamīñ se āsmāñ honā hī thā

kahkashāñ kī samt uThne the abad-paimā qadam

jānib-e-sayyār tayyāra ravāñ honā hī thā

thā qafas meñ bhī to thā favvāra-e-āhañg-o-rañg

is parinde ko to jannat-āshiyāñ honā hī thā

qaid mein rakkha gaya qatra to ghaltan ho gaya

nur ki nahron ko na-paida karan hona hi tha

shohra haikal ke liye aawaza paikar ke liye

har tawanai ko benam-o-nishan hona hi tha

hum ne kuchh yun hi nahin jhela tha qarnon ka azab

aaKHir us dair-ashna ko mehrban hona hi tha

tang jab kar di gai hum par zamin karte bhi kya

laziman hum ko zamin se aasman hona hi tha

kahkashan ki samt uThne the abad-paima qadam

jaanib-e-sayyar tayyara rawan hona hi tha

tha qafas mein bhi to tha fawwara-e-ahang-o-rang

is parinde ko to jannat-ashiyan hona hi tha