qaid se bahar main aana chahta hun

qaid se bāhar maiñ aanā chāhtā huuñ

aaj phir se muskurānā chāhtā huuñ

raat ho kitnī hī kaalī ḳhatm hogī

is ġhazal meñ ye batānā chāhtā huuñ

maiñ bhale bebas huuñ lekin tū nahīñ hai

phir tirī chaukhaT pe aanā chāhtā huuñ

kaash mil jaa.eñ purāne yaar phir se

phir purāne giit gaanā chāhtā huuñ

maiñ ne apnī jaan kī baazī lagā dī

haar kar tujh ko harānā chāhtā huuñ

jā nikal jā 'ishq ab tū dil se mere

tujh se maiñ pīchhā chhuḌānā chāhtā huuñ

ab na ghar TuuTe kisī 'āshiq kā maulā

maiñ bas apnā ghar basānā chāhtā huuñ

qaid se bahar main aana chahta hun

aaj phir se muskurana chahta hun

raat ho kitni hi kali KHatm hogi

is ghazal mein ye batana chahta hun

main bhale bebas hun lekin tu nahin hai

phir teri chaukhaT pe aana chahta hun

kash mil jaen purane yar phir se

phir purane git gana chahta hun

main ne apni jaan ki bazi laga di

haar kar tujh ko harana chahta hun

ja nikal ja 'ishq ab tu dil se mere

tujh se main pichha chhuDana chahta hun

ab na ghar TuTe kisi 'ashiq ka maula

main bas apna ghar basana chahta hun