qais ke jaisa junun hai kab kisi ke yar mein

qais ke jaisā junūñ hai kab kisī ke yaar meñ

aks-e-lailā DhūñDte haiñ phir bhī sab dildār meñ

dar-ba-dar kī Thokareñ us kā muqaddar ban ga.iiñ

raas na aa.ī kabhī jis ko bhalā.ī yaar meñ

pyaar ke māroñ ye ahl-e-zauq kī bastī hai yaañ

mashvare achchhe milā karte haiñ aksar pyaar meñ

fāsla nazdīkiyoñ meñ yuuñ simaT kar aa gayā

chāshnī urdu kī thī yaaro mirī guftār meñ

ishq ke ādāb bhī sīkhe to aise shaḳhs se

jo utartā hī nahīñ thā ishq ke me.aar meñ

rāh-e-ulfat meñ sabhī ye jānte haiñ ḳhuub hī

kuchh nahīñ rakkhā hai āshiq ke liye iz.hār meñ

aa.ina jis ne bhalā ḳhud hī na dekhā ho kabhī

vo kamī ko DhūñDhtā phirtā hai kyoñ aġhyār meñ

ik divāna jhuum kar 'hassān' kahtā thā yahī

māñgne vaalo salīqa sīkho kū-e-yār meñ

qais ke jaisa junun hai kab kisi ke yar mein

aks-e-laila DhunDte hain phir bhi sab dildar mein

dar-ba-dar ki Thokaren us ka muqaddar ban gain

ras na aai kabhi jis ko bhalai yar mein

pyar ke maron ye ahl-e-zauq ki basti hai yan

mashware achchhe mila karte hain aksar pyar mein

fasla nazdikiyon mein yun simaT kar aa gaya

chashni urdu ki thi yaro meri guftar mein

ishq ke aadab bhi sikhe to aise shaKHs se

jo utarta hi nahin tha ishq ke mear mein

rah-e-ulfat mein sabhi ye jaante hain KHub hi

kuchh nahin rakkha hai aashiq ke liye izhaar mein

aaina jis ne bhala KHud hi na dekha ho kabhi

wo kami ko DhunDhta phirta hai kyon aghyar mein

ek diwana jhum kar 'hassan' kahta tha yahi

mangne walo saliqa sikho ku-e-yar mein