qalam ki nok aur tirchhi nazar aaghaz hoti hai

qalam kī nok aur tirchhī nazar āġhāz hotī hai

mirī tanhā mizājī jab mirī hamrāz hotī hai

chale aa.e haiñ ham bhī dekhne us rang-e-mahfil ko

sukūt-e-shab jahāñ yaaro shab-e-shīrāz hotī hai

tumhārī zaat se mansūb ho kar bas yahī jaanā

hamesha āgahī dil par asar-andāz hotī hai

lahū denā garebāñ chaak kar ke sher kah lenā

tarannum meñ ġhazal lekin jigar kā saaz hotī hai

ujāle is liye dāman ke sab taqsīm kartā huuñ

jo sham.a raushnī bāñTe vahī mumtāz hotī hai

tire chehre ke ḳhadd-o-ḳhāl ham se baat karte haiñ

shikan māthe kī us par dil-shikan āvāz hotī hai

zamīn-o-āsmāñ gar ho nazar meñ bil-yaqīñ jis ke

mukammal do-jahāñ meñ us kī har parvāz hotī hai

gulistāñ ḳhaas mauqe par mahaktā hai magar 'shāhid'

tirī ḳhushbū havāoñ ke liye e.azāz hotī he

qalam ki nok aur tirchhi nazar aaghaz hoti hai

meri tanha mizaji jab meri hamraaz hoti hai

chale aae hain hum bhi dekhne us rang-e-mahfil ko

sukut-e-shab jahan yaro shab-e-shiraaz hoti hai

tumhaari zat se mansub ho kar bas yahi jaana

hamesha aagahi dil par asar-andaz hoti hai

lahu dena gareban chaak kar ke sher kah lena

tarannum mein ghazal lekin jigar ka saz hoti hai

ujale is liye daman ke sab taqsim karta hun

jo shama raushni banTe wahi mumtaz hoti hai

tere chehre ke KHadd-o-KHal hum se baat karte hain

shikan mathe ki us par dil-shikan aawaz hoti hai

zamin-o-asman gar ho nazar mein bil-yaqin jis ke

mukammal do-jahan mein us ki har parwaz hoti hai

gulistan KHas mauqe par mahakta hai magar 'shahid'

teri KHushbu hawaon ke liye eazaz hoti he