qalb-o-nazar ka sukun aur kahan dosto

qalb-o-nazar kā sukūñ aur kahāñ dosto

kū-e-butāñ dosto kū-e-butāñ dosto

merā hī dil hai ki maiñ phirtā huuñ yuuñ ḳhanda-zan

kam nahīñ pardes meñ dil kā ziyāñ dosto

jin meñ ḳhulūs-e-vafā aur na shu.ūr-e-sitam

mujh ko biThāyā hai ye lā ke kahāñ dosto

chaar ghaḌī raat hai aao ki hañs bol leñ

jaane sahar tak ho phir kaun kahāñ dosto

rabt-e-marāsim ke ba.ad tark-e-ta.alluq ġhalat

aag bujhāne se bhī hogā dhuāñ dosto

laakh chhupo sāya-e-gesū-e-shab-rañg meñ

mil nahīñ saktī magar ġham se amaañ dosto

shā.ir-e-'arshad' huuñ maiñ shā.er-e-fitrat huuñ maiñ

miT nahīñ saktā mirā nām-o-nishāñ dosto

qalb-o-nazar ka sukun aur kahan dosto

ku-e-butan dosto ku-e-butan dosto

mera hi dil hai ki main phirta hun yun KHanda-zan

kam nahin pardes mein dil ka ziyan dosto

jin mein KHulus-e-wafa aur na shuur-e-sitam

mujh ko biThaya hai ye la ke kahan dosto

chaar ghaDi raat hai aao ki hans bol len

jaane sahar tak ho phir kaun kahan dosto

rabt-e-marasim ke baad tark-e-talluq ghalat

aag bujhane se bhi hoga dhuan dosto

lakh chhupo saya-e-gesu-e-shab-rang mein

mil nahin sakti magar gham se aman dosto

shair-e-'arshad' hun main shaer-e-fitrat hun main

miT nahin sakta mera nam-o-nishan dosto