qarib tha ki hararat se jal uTha hota

qarīb thā ki harārat se jal uThā hotā

diyā hathelī pe kuchh vaqt agar rukā hotā

banāyā jaatā agar Tahniyoñ se pinjre ko

qafas meñ kuchh to parindoñ ko aasrā hotā

tumhāre juuḌe meñ hai is liye salāmat hai

ye phuul shāḳh pe pazhmurda ho gayā hotā

ḳhudā kā shukr ki nisbat qalam se hai varna

hamāre haath bhī bārūd lag chukā hotā

bilaktā bachcha kahāñ baap se sañbhaltā hai

jo hotī maañ to use chup karā liyā hotā

tujhe lagī hī nahīñ 'ishq kī havā 'tāsīr'

vagarna tujh meñ koī aur boltā hotā

qarib tha ki hararat se jal uTha hota

diya hatheli pe kuchh waqt agar ruka hota

banaya jata agar Tahniyon se pinjre ko

qafas mein kuchh to parindon ko aasra hota

tumhaare juDe mein hai is liye salamat hai

ye phul shaKH pe pazhmurda ho gaya hota

KHuda ka shukr ki nisbat qalam se hai warna

hamare hath bhi barud lag chuka hota

bilakta bachcha kahan bap se sanbhalta hai

jo hoti man to use chup kara liya hota

tujhe lagi hi nahin 'ishq ki hawa 'tasir'

wagarna tujh mein koi aur bolta hota