qarz kya kya nazar pe nikle hain
qarz kyā kyā nazar pe nikle haiñ
jab bhī sair-o-safar pe nikle haiñ
jañgaloñ se guzarne vāloñ ke
rāste mere ghar pe nikle haiñ
naam pūchhā hai rāhgīroñ ne
jab kabhī rahguzar pe nikle haiñ
zaḳhm phūTe haiñ jā-ba-jā tan par
kyā shagūfe shajar pe nikle haiñ
kyā musībat hai shahr vāloñ par
rakh ke sāmān sar pe nikle haiñ
saath le kar kitāb yādoñ kī
ek lambe safar pe nikle haiñ
dasht-o-sahrā se ghūm-phir ke 'razī'
ab shanāsā Dagar pe nikle haiñ
qarz kya kya nazar pe nikle hain
jab bhi sair-o-safar pe nikle hain
jangalon se guzarne walon ke
raste mere ghar pe nikle hain
nam puchha hai rahgiron ne
jab kabhi rahguzar pe nikle hain
zaKHm phuTe hain ja-ba-ja tan par
kya shagufe shajar pe nikle hain
kya musibat hai shahr walon par
rakh ke saman sar pe nikle hain
sath le kar kitab yaadon ki
ek lambe safar pe nikle hain
dasht-o-sahra se ghum-phir ke 'razi'
ab shanasa Dagar pe nikle hain
- Book : siip (Magzin) (Pg. 268)
- Author : Nasiim Durraani
- Publication : Fikr-e-Nau ( 39 (Quarterly) )
- Edition : 39 (Quarterly)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
