qasam le lo miyan kuchh bhi nahin hai
qasam le lo miyāñ kuchh bhī nahīñ hai
hamāre darmiyāñ kuchh bhī nahīñ hai
maiñ phirtā huuñ jise sar par uThā.e
agar hai āsmāñ kuchh bhī nahīñ hai
mire phal phuul patte jhaḌ ga.e haiñ
tirī ḳhātir ḳhizāñ kuchh bhī nahīñ hai
maiñ pyāsā thal huuñ ik nazdīk mere
nadī naale kuaañ kuchh bhī nahīñ hai
tumhāre baa'd paude peḌ jugnū
parinde titliyāñ kuchh bhī nahīñ hai
yaqīñ tujh ko agar stamp par hai
to kyā merī zabāñ kuchh bhī nahīñ hai
muqābil 'ishq ke maiñ aa gayā thā
mirā nām-o-nishāñ kuchh bhī nahīñ hai
tumhāre bin kahāñ pāzeb jhumke
añgūThī chūḌiyāñ kuchh bhī nahīñ hai
tire dam se hai ghar jannat vagarna
ye ‘ālī-shāñ makāñ kuchh bhī nahīñ hai
mohabbat meñ vafādārī are vaah
chale jaao yahāñ kuchh bhī nahīñ hai
kahāñ qalmeñ davāteñ aur imlā
kahāñ ab taḳhtiyāñ kuchh bhī nahīñ hai
bhalā kis kaam kī āñkheñ hamārī
agar āb-e-ravāñ kuchh bhī nahīñ hai
maiñ vo bachcha huuñ jis kī dastaras meñ
khilaune toffiyāñ kuchh bhī nahīñ hai
huā izn-e-safar jab chal paḌeñge
hamārā 'faiz' yaañ kuchh bhī nahīñ hai
qasam le lo miyan kuchh bhi nahin hai
hamare darmiyan kuchh bhi nahin hai
main phirta hun jise sar par uThae
agar hai aasman kuchh bhi nahin hai
mere phal phul patte jhaD gae hain
teri KHatir KHizan kuchh bhi nahin hai
main pyasa thal hun ek nazdik mere
nadi nale kuan kuchh bhi nahin hai
tumhaare ba'd paude peD jugnu
parinde titliyan kuchh bhi nahin hai
yaqin tujh ko agar stamp par hai
to kya meri zaban kuchh bhi nahin hai
muqabil 'ishq ke main aa gaya tha
mera nam-o-nishan kuchh bhi nahin hai
tumhaare bin kahan pazeb jhumke
anguThi chuDiyan kuchh bhi nahin hai
tere dam se hai ghar jannat wagarna
ye ‘ali-shan makan kuchh bhi nahin hai
mohabbat mein wafadari are wah
chale jao yahan kuchh bhi nahin hai
kahan qalmen dawaten aur imla
kahan ab taKHtiyan kuchh bhi nahin hai
bhala kis kaam ki aankhen hamari
agar aab-e-rawan kuchh bhi nahin hai
main wo bachcha hun jis ki dastaras mein
khilaune toffiyan kuchh bhi nahin hai
hua izn-e-safar jab chal paDenge
hamara 'faiz' yan kuchh bhi nahin hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.