qayamat se nahin kam us pe aa jaana mere dil ka

qayāmat se nahīñ kam us pe aa jaanā mire dil kā

bahut mushkil hai ab āsān honā merī mushkil kā

nigāh-e-yās ne kyā kah diyā qātil se maqtal meñ

taḌaptā hai jo ḳhanjar kāñptā hai haath qātil kā

sukūn-e-dil jo hāsil ho to koī kāmyābī ho

mohabbat tujh pe tohmat hai taḌap jaanā hī bismil kā

musallat hai ḳhamoshī mauj-e-dariyā par ḳhudā rakkhe

mizāj achchhā nazar aatā nahīñ hai aaj sāhil kā

uThā kar sub.h-e-nau ne ruḳh se parda jab nazar Daalī

na jaane zard chehra paḌ gayā kyoñ māh-e-kāmil kā

surāhī ḳhud jhukegī ḳhud chaleñge jaam sar ke bal

badal dūñgā maiñ ab qānūn saaqī terī mahfil kā

vo kyā batlā.egā 'anvar' tujhe rāh-e-talab terī

pata jis ko nahīñ hai aaj tak ḳhud apnī manzil kā

qayamat se nahin kam us pe aa jaana mere dil ka

bahut mushkil hai ab aasan hona meri mushkil ka

nigah-e-yas ne kya kah diya qatil se maqtal mein

taDapta hai jo KHanjar kanpta hai hath qatil ka

sukun-e-dil jo hasil ho to koi kaamyabi ho

mohabbat tujh pe tohmat hai taDap jaana hi bismil ka

musallat hai KHamoshi mauj-e-dariya par KHuda rakkhe

mizaj achchha nazar aata nahin hai aaj sahil ka

uTha kar subh-e-nau ne ruKH se parda jab nazar Dali

na jaane zard chehra paD gaya kyon mah-e-kaamil ka

surahi KHud jhukegi KHud chalenge jam sar ke bal

badal dunga main ab qanun saqi teri mahfil ka

wo kya batlaega 'anwar' tujhe rah-e-talab teri

pata jis ko nahin hai aaj tak KHud apni manzil ka