qirtas pe lahu si chamakti rahi ghazal

qirtās pe lahū sī chamaktī rahī ġhazal

anvār-e-fikr-o-fan se damaktī rahī ġhazal

ḳhushbū-e-zulf-e-yār thī ehsās-o-fikr meñ

zehnoñ meñ ahl-e-fan ke mahaktī rahī ġhazal

vaj.h-e-sukūn-e-dil to kabhī ban ke iztirāb

siine meñ dil kī tarh dhaḌaktī rahī ġhazal

gesū-e-‘ambarīñ hai ki shāḳh-e-gulāb hai

aahaT havā kī pā ke lachaktī rahī ġhazal

ghar se nikal ke 'ġhālib'-o-'saudā'-o-'mīr' ke

sahrā meñ zindagī ke bhaTaktī rahī ġhazal

zulfeñ sañvārne lagī doshīza-e-hayāt

mahfil meñ is adā se chahaktī rahī ġhazal

misl-e-sharāb sāġhar-e-'ḳhayyām' se 'adīm'

hāthoñ meñ mai-kashoñ ke chhalaktī rahī ġhazal

qirtas pe lahu si chamakti rahi ghazal

anwar-e-fikr-o-fan se damakti rahi ghazal

KHushbu-e-zulf-e-yar thi ehsas-o-fikr mein

zehnon mein ahl-e-fan ke mahakti rahi ghazal

wajh-e-sukun-e-dil to kabhi ban ke iztirab

sine mein dil ki tarh dhaDakti rahi ghazal

gesu-e-‘ambarin hai ki shaKH-e-gulab hai

aahaT hawa ki pa ke lachakti rahi ghazal

ghar se nikal ke 'ghaalib'-o-'sauda'-o-'mir' ke

sahra mein zindagi ke bhaTakti rahi ghazal

zulfen sanwarne lagi doshiza-e-hayat

mahfil mein is ada se chahakti rahi ghazal

misl-e-sharab saghar-e-'KHayyam' se 'adim'

hathon mein mai-kashon ke chhalakti rahi ghazal