qismat der nahin karti hai jis ko dariya dene mein

qismat der nahīñ kartī hai jis ko dariyā dene meñ

aksar der lagātī hai vo us ko tinkā dene meñ

apnī marzī se mat jaanā tū khaa.ī ke kināre tak

vaqt ke haath nahīñ kāñpeñge tujh ko dhakkā dene meñ

tujh ko tijorī meñ rakhne kā mujh ko koī shauq nahīñ

mujh ko ḳharch nahīñ honā hai tujh par pahra dene meñ

tū ne kam māñgā hai mujh ko lekin merī bhī to soch

puurā ḳhatm na ho jā.ūñ maiñ thoḌā thoḌā dene meñ

sab ko rasta mil jaane de un kī manzil kā bhagvan

mujh ko manzil mil jaane de sab ko rasta dene meñ

qismat der nahin karti hai jis ko dariya dene mein

aksar der lagati hai wo us ko tinka dene mein

apni marzi se mat jaana tu khai ke kinare tak

waqt ke hath nahin kanpenge tujh ko dhakka dene mein

tujh ko tijori mein rakhne ka mujh ko koi shauq nahin

mujh ko KHarch nahin hona hai tujh par pahra dene mein

tu ne kam manga hai mujh ko lekin meri bhi to soch

pura KHatm na ho jaun main thoDa thoDa dene mein

sab ko rasta mil jaane de un ki manzil ka bhagwan

mujh ko manzil mil jaane de sab ko rasta dene mein