qismat se jis kisi ko tera aastan mile

qismat se jis kisī ko tirā āstāñ mile

us kā mizāj farsh-e-zamīñ par kahāñ mile

har ek ko ye rutba-e-ālī kahāñ mile

vo ḳhush-nasīb hai jise dard-e-nihāñ mile

sahbā-e-ishq ma.arifat-e-haq mile mujhe

phir kuchh yahāñ mile na mujhe kuchh vahāñ mile

tūfāñ kī zad pe rakkhī huī sham.a kī tarah

ham log be-amāñ haiñ hameñ bhī amaañ mile

mā'lūm ye huā ki tirī anjuman thī vo

ahl-e-zabāñ bhī ham ko jahāñ be-zabāñ mile

nādāñ hisār-e-zāt se bāhar nikal ke dekh

gum-karda kā.enāt kā shāyad nishāñ mile

'hamza' bhaTak rahe haiñ bhalā kis dayār meñ

chaliye vahāñ zamīñ se jahāñ āsmāñ mile

qismat se jis kisi ko tera aastan mile

us ka mizaj farsh-e-zamin par kahan mile

har ek ko ye rutba-e-ali kahan mile

wo KHush-nasib hai jise dard-e-nihan mile

sahba-e-ishq marifat-e-haq mile mujhe

phir kuchh yahan mile na mujhe kuchh wahan mile

tufan ki zad pe rakkhi hui shama ki tarah

hum log be-aman hain hamein bhi aman mile

ma'lum ye hua ki teri anjuman thi wo

ahl-e-zaban bhi hum ko jahan be-zaban mile

nadan hisar-e-zat se bahar nikal ke dekh

gum-karda kaenat ka shayad nishan mile

'hamza' bhaTak rahe hain bhala kis dayar mein

chaliye wahan zamin se jahan aasman mile