qissa-e-hijr-o-wafa apna sunao to sahi

qissa-e-hijr-o-vafā apnā sunāo to sahī

aise hī roz mujhe paas bulāo to sahī

kyā koī dard kā tūfān hai sar par guzrā

itne ḳhāmosh bhalā kyoñ ho batāo to sahī

kuchh to ulfat kī rivāyat kā bharam rakh lenā

maan jā.eñge zarā ham ko manāo to sahī

kyā pata itnī ye vus.at hai kahāñ se aa.ī

ham se jo roz ye kahtā hai ki aao to sahī

saare taskīn ke paimāne chhalak aa.e haiñ

phir koī vasl kī mahfil ko sajāo to sahī

gar vo pighlegā to ik roz chalā aa.egā

ishq kī lau ko abhī aur jalāo to sahī

qissa-e-hijr-o-wafa apna sunao to sahi

aise hi roz mujhe pas bulao to sahi

kya koi dard ka tufan hai sar par guzra

itne KHamosh bhala kyon ho batao to sahi

kuchh to ulfat ki riwayat ka bharam rakh lena

man jaenge zara hum ko manao to sahi

kya pata itni ye wusat hai kahan se aai

hum se jo roz ye kahta hai ki aao to sahi

sare taskin ke paimane chhalak aae hain

phir koi wasl ki mahfil ko sajao to sahi

gar wo pighlega to ek roz chala aaega

ishq ki lau ko abhi aur jalao to sahi