qubul kijiye inkar ka maqam nahin

qubūl kījiye inkār kā maqām nahīñ

ye jām-e-mai hai parī-vasl kā payām nahīñ

ajiib hai ye sarāpā kamar kā naam nahīñ

kuchh un kī be-dahnī meñ mujhe kalām nahīñ

hai kaun shaiḳh-o-barahman jo dil se raam nahīñ

tumhārā dair se kab tā-haram ḳhirām nahīñ

liyā jo mol zuleḳhā ne māh-e-kan.āñ ko

kahā jamāl ne sāhab huuñ maiñ ġhulām nahīñ

bahak na jā.ūñ jo pī jā.ūñ bahr-e-mai saaqī

savārī hech hai jab haath meñ lagām nahīñ

uThā le haath jafā-o-sitam se ai zālim

ḳhudā ke paas bhī is se baḌā salām nahīñ

safeñ haiñ jaam kī mai-ḳhāna apnī masjid hai

ba-juz sharāb kī botal ke yaañ imaam nahīñ

jo ek bosa-e-lab luuñ hazār shukr karūñ

tire raqīb sā maiñ bhī namak-harām nahīñ

maiñ aap kartī huuñ ḳhidmat kahā zuleḳhā ne

tirī ġhulāmī ke laa.eq koī ġhulām nahīñ

vazīfa hai tire husn-o-adā-o-ġhamze kā

kisī bashar kī zabāñ par kisī kā naam nahīñ

mire gunāhoñ ko aur kis se baḳhshvā.ūñ maiñ

shafī.a juz tire yā sayyad-e-anām nahīñ

firāq meñ nahīñ piitā maiñ aab tak mai kyā

ilāhī banda tirā shārib-e-mudām nahīñ

chale na jaa.e vo ghar ko usī bahāne se

sunā do mere janāze ko izn-e-ām nahīñ

hujūm-o-yās-o-alam dil ko mere ghere haiñ

ki muntazir hai jamā.at magar imaam nahīñ

kab aane paatā hai rindoñ meñ naam zāhid kā

hamārī bazm meñ bole kabāb-e-ḳhām nahīñ

na phuul jaao 'nasīm' un ke phuul pheñke par

guloñ kī mehr-o-mohabbat ko kuchh qayām nahīñ

qubul kijiye inkar ka maqam nahin

ye jam-e-mai hai pari-wasl ka payam nahin

ajib hai ye sarapa kamar ka nam nahin

kuchh un ki be-dahni mein mujhe kalam nahin

hai kaun shaiKH-o-barahman jo dil se ram nahin

tumhaara dair se kab ta-haram KHiram nahin

liya jo mol zuleKHa ne mah-e-kanan ko

kaha jamal ne sahab hun main ghulam nahin

bahak na jaun jo pi jaun bahr-e-mai saqi

sawari hech hai jab hath mein lagam nahin

uTha le hath jafa-o-sitam se ai zalim

KHuda ke pas bhi is se baDa salam nahin

safen hain jam ki mai-KHana apni masjid hai

ba-juz sharab ki botal ke yan imam nahin

jo ek bosa-e-lab lun hazar shukr karun

tere raqib sa main bhi namak-haram nahin

main aap karti hun KHidmat kaha zuleKHa ne

teri ghulami ke laeq koi ghulam nahin

wazifa hai tere husn-o-ada-o-ghamze ka

kisi bashar ki zaban par kisi ka nam nahin

mere gunahon ko aur kis se baKHshwaun main

shafia juz tere ya sayyad-e-anam nahin

firaq mein nahin pita main aab tak mai kya

ilahi banda tera shaarib-e-mudam nahin

chale na jae wo ghar ko usi bahane se

suna do mere janaze ko izn-e-am nahin

hujum-o-yas-o-alam dil ko mere ghere hain

ki muntazir hai jamaat magar imam nahin

kab aane pata hai rindon mein nam zahid ka

hamari bazm mein bole kabab-e-KHam nahin

na phul jao 'nasim' un ke phul phenke par

gulon ki mehr-o-mohabbat ko kuchh qayam nahin