qudrat hai turfa-kar tujhe kuchh KHabar bhi hai

qudrat hai turfa-kār tujhe kuchh ḳhabar bhī hai

vo ā.ina-shikan bhī hai ā.īna-gar bhī hai

sahrā ko chhoḌ deñ to kahāñ jā ke ye raheñ

āvārgān-e-ishq-o-mohabbat kā ghar bhī hai

masjūd kā.enāt ho jaise nazar-navāz

kitnā latīf vaqt tulū-e-sahar bhī hai

ka.abe kā ehtirām hai ik farz-e-ḳhush-gavār

maiñ kyā karūñ nazar meñ tirā sañg-e-dar bhī hai

saaqī vo mai pilā ki hamesha rahe surūr

mahfil meñ mujh sā bāda-kash-e-mo'atabar bhī hai

nā-āshnā-e-ġhairat-parvāz haiñ asiir

qaid-e-qafas meñ tazkira-e-bāl-o-par bhī hai

taqdīr naaz kartī hai hotī hai jab nasīb

'shāriq' shikast-e-dil ko naved-e-zafar bhī hai

qudrat hai turfa-kar tujhe kuchh KHabar bhi hai

wo aaina-shikan bhi hai aaina-gar bhi hai

sahra ko chhoD den to kahan ja ke ye rahen

aawargan-e-ishq-o-mohabbat ka ghar bhi hai

masjud kaenat ho jaise nazar-nawaz

kitna latif waqt tulu-e-sahar bhi hai

kabe ka ehtiram hai ek farz-e-KHush-gawar

main kya karun nazar mein tera sang-e-dar bhi hai

saqi wo mai pila ki hamesha rahe surur

mahfil mein mujh sa baada-kash-e-mo'atabar bhi hai

na-ashna-e-ghairat-parwaz hain asir

qaid-e-qafas mein tazkira-e-baal-o-par bhi hai

taqdir naz karti hai hoti hai jab nasib

'shaariq' shikast-e-dil ko nawed-e-zafar bhi hai