qurb ke tasawwur se dosti bana Dalen

qurb ke tasavvur se dostī banā Dāleñ

raat sā surūr-afzā din ko bhī banā Dāleñ

saath saath jiine aur marne kī qasam khā kar

pahlī pahlī chāhat ko āḳhirī banā Dāleñ

yādoñ ke diye rakh kar ishq ke shabistāñ meñ

aao is añdhere ko raushnī banā Dāleñ

āshnā.ī ko rang-e-āshiqī atā karke

chaliye is takalluf ko dilbarī banā Dāleñ

aur paas aa jānāñ palkoñ ko uThā jānāñ

āñkhoñ kī ziyārat ko mai-kashī banā Dāleñ

us kī bevafā.ī kā sog āḳhirash kab tak

kyoñ na ab har ik ġham ko ham ḳhushī banā Dāleñ

itne dhoke khaa.e haiñ ab ye dil meñ aatā hai

har shanāsā chehre ko ajnabī banā Dāleñ

bāzuoñ meñ ham apne quvvat-e-amal rakh kar

maut ke thapeḌe ko zindagī banā Dāleñ

qurb ke tasawwur se dosti bana Dalen

raat sa surur-afza din ko bhi bana Dalen

sath sath jine aur marne ki qasam kha kar

pahli pahli chahat ko aaKHiri bana Dalen

yaadon ke diye rakh kar ishq ke shabistan mein

aao is andhere ko raushni bana Dalen

aashnai ko rang-e-ashiqi ata karke

chaliye is takalluf ko dilbari bana Dalen

aur pas aa jaanan palkon ko uTha jaanan

aankhon ki ziyarat ko mai-kashi bana Dalen

us ki bewafai ka sog aaKHirash kab tak

kyon na ab har ek gham ko hum KHushi bana Dalen

itne dhoke khae hain ab ye dil mein aata hai

har shanasa chehre ko ajnabi bana Dalen

bazuon mein hum apne quwwat-e-amal rakh kar

maut ke thapeDe ko zindagi bana Dalen