qurb ki lazzat ne aaKHir tumko tanha kar diya

qurb kī lazzat ne āḳhir tum ko tanhā kar diyā

ḳhvāhishoñ kī dhuup ne mujh ko bhī sahrā kar diyā

be-sabab milte nahīñ haiñ log apne aap se

ḳhud se milne kī tamannāoñ ne būḌhā kar diyā

mere darvāze pe aa kar raat bhar rotī rahī

sar-kaTī 'aurat ne ik hangāma barpā kar diyā

dil ke bosīda makāñ meñ ḳhema-zan thiiñ zulmateñ

aaj lekin vaqt ne aa kar ujālā kar diyā

har mahājan ḳhuun merā chūsne par hai musir

zā.iqa mere lahū kā kis ne mīThā kar diyā

chhalnī chhalnī jism kī 'parvez' ab hālat na pūchh

vaqt ke patthar ne mujh ko reza-reza kar diyā

qurb ki lazzat ne aaKHir tum ko tanha kar diya

KHwahishon ki dhup ne mujh ko bhi sahra kar diya

be-sabab milte nahin hain log apne aap se

KHud se milne ki tamannaon ne buDha kar diya

mere darwaze pe aa kar raat bhar roti rahi

sar-kaTi 'aurat ne ek hangama barpa kar diya

dil ke bosida makan mein KHema-zan thin zulmaten

aaj lekin waqt ne aa kar ujala kar diya

har mahajan KHun mera chusne par hai musir

zaiqa mere lahu ka kis ne miTha kar diya

chhalni chhalni jism ki 'parwez' ab haalat na puchh

waqt ke patthar ne mujh ko reza-reza kar diya