qurbat ke un dinon mein bhi jaana paDa mujhe

qurbat ke un dinoñ meñ bhī jaanā paḌā mujhe

āñkhoñ se apnī raaz chhupānā paḌā mujhe

dil ko to maiñ ne jhūTh se bahlā liyā magar

thoḌā bahut to shor machānā paḌā mujhe

vo chāhtā thā khelnā mere hī jism se

phir darmiyān ishq ke aanā paḌā mujhe

us ko thā shauq beach samundar meñ marne kā

sāhil ko khīñch khīñch ke laanā paḌā mujhe

be-rañg karnī thī mujhe apnī ye zindagī

so shā.irī meñ rañg girānā paḌā mujhe

us kā ye mānñā thā ki maiñ us se baḌh ke huuñ

kar ke tabāh ḳhud ko ghaTānā paḌā mujhe

tū ban rahā ḳhudā hai to ye bhī hisāb de

kitnā bigāḌ kar ke banānā paḌā mujhe

is sher ko sunānā thā us shaḳhs ko mujhe

mahfil meñ aap kī ye sunānā paḌā mujhe

qurbat ke un dinon mein bhi jaana paDa mujhe

aankhon se apni raaz chhupana paDa mujhe

dil ko to main ne jhuTh se bahla liya magar

thoDa bahut to shor machana paDa mujhe

wo chahta tha khelna mere hi jism se

phir darmiyan ishq ke aana paDa mujhe

us ko tha shauq beach samundar mein marne ka

sahil ko khinch khinch ke lana paDa mujhe

be-rang karni thi mujhe apni ye zindagi

so shairi mein rang girana paDa mujhe

us ka ye manna tha ki main us se baDh ke hun

kar ke tabah KHud ko ghaTana paDa mujhe

tu ban raha KHuda hai to ye bhi hisab de

kitna bigaD kar ke banana paDa mujhe

is sher ko sunana tha us shaKHs ko mujhe

mahfil mein aap ki ye sunana paDa mujhe